ارزگان؛ ترينکوټ ښار کې د ۱۰ لوبډلو ترمنځ د ټېپ بال کرېکټ سيالۍ پای ته ورسېدې
د ارزگان ولايت د بدني روزنې او ورزش آمريت په همغږۍ، د ټېپ بال کرېکټ فدراسيون د استازولۍ له لوري د ياد ولايت په مرکز ترينکوټ ښار کې د ۱۰ لوبډلو ترمنځ د ټېپ بال کرېکټ سيالۍ د گولډن سټار لوبډلې په اتلولۍ پای ته ورسېدې.
د يادو سياليو پايلوبه د گولډن سټار او سليمان لوبډلو ترمنځ وشوه، د لوبې پچه گولډن سټار لوبډلې وگټله او لومړی يې د توپ وهنې پرېکړه وکړه، چې په ټاکلو ۱۲ اورونو کې يې د ۷ لوبغاړو په سوځېدو سره خپلې سيالې لوبډلې ته د ۲۳۱ منډو هدف کېښود، په ځواب کې سليمان لوبډلې د ټولو اورونو په لوبولو سره ۱۱۴ منډې وکړې او لوبه يې د ۱۱۷ منډو په توپير وبايلله.
دا سيالۍ ورزش د ځوانانو هڅولو په موخه ترسره شوې او ۱۵ ورځې يې دوام وکړ.
