هرات؛ ګلران ولسوالۍ کې د ۲۰ لوبډلو ترمنځ د فوټسال سيالۍ پای ته ورسېدې
د هرات ولايت د بدني روزنې او ورزش رياست اړوند د فوټبال ملي فدراسیون د استازولۍ له لوري د ياد ولايت په ګلران ولسوالۍ کې د ۲۰ لوبډلو ترمنځ د فوټسال ژمني جام سيالۍ د اتفاق ش.ه.يد مدرس لوبډلې په اتلولۍ پای ته ورسېدې.
د دغو سياليو په پايلوبه کې اتفاق ش.ه.يد مدرس لوبډلې خپلې سیالې اتفاق ګلران لوبډلې ته د ۵/۲ ګولونو په توپير ماتې ورکړه او اتلولي خپله کړه.
د يادو سياليو موخه د لوبغاړو ظرفیت لوړول و، د سياليو په پای کې د ورزش مسوولينو له لوري غوره لوبډلې او لوبغاړو ته چمتو شوې ډالۍ ورکړل شوې.
