دایکندي؛ مرکز نيلي کې د شپږو لوبډلو ترمنځ د فوټبال سيالۍ پای ته ورسېدې
د دايکندي ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز نيلي کې د شپږو لوبډلو ترمنځ د فوټبال الف ليګ سيالۍ، چې يوه اوونۍ مخکې پیل شوې وې د وحدت لوبډلې په اتلولۍ پای ته ورسېدې.
د دغو سياليو په پايلوبه کې وحدت چهار اسپان لوبډلې خپلې سیالې عقابان خدير لوبډلې ته د ۶/۵ ګولونو په توپير ماتې ورکړه او اتلولي يې خپله کړه.
د يادو سياليو موخه د ولایتونو په کچه د فوټبال غوره لیګ ته د دوو لوبډلو ټاکل او د فوټبال ورزش ته وده ورکول و.
