زابل کې د ۳۸ ورزشکارانو ترمنځ د واکو کېک بوکسينگ سيالۍ وشوې
د زابل ولايت د بدني روزنې او ورزش آمريت اړوند د کېک بوکسينگ فدراسيون د استازولۍ له لوري د ياد ولايت په مرکز قلات ښار کې له دوو کلبونو ۳۸ ورزشکارانو ترمنځ د واکو کېک بوکسينگ سبک سيالۍ وشوې.
په يادو سياليو کې له قدرت الله اتل او احمد غلامي کلبونو څخه ورزشکارانو د نويو ځوانانو، ځوانانو او لويانو په عمري کټگوریو کې برخه اخيستې وه، چې په پايله کې د احمد الله کلب ورزشکارانو لومړی مقام خپل کړ.
دا سيالۍ د واکو کېک بوکسينگ سبک ته د ودې ورکولو په موخه وشوې او يوه ورځ يې دوام وکړ.
