ميدان وردگ کې د څلورو لوبډلو ترمنځ د فوټسال سيالۍ وشوې
د ميدان وردگ ولایت د بدني روزنې او ورزش آمريت اړوند د فوټبال فدراسيون د استازولۍ له لوري د ياد ولايت په مرکزي جمنازيوم کې د څلورو لوبډلو ترمنځ د فوټسال سيالۍ د جلرېز وحدت لوبډلې په اتلولۍ پای ته ورسېدې.
د يادو سياليو په پايلوبه کې جلرېز وحدت لوبډلې خپلې سيالې راشکو بابا لوبډلې ته د ۳-۰ ګولونو په توپير ماتې ورکړه او اتلولي يې وگټله.
دا سيالۍ د نويو استعدادونو موندلو او د غوره لوبغاړو د هڅونې په موخه وشوې، چې دوې ورځې يې دوام وکړ.
