کابل کې د ۴۰ سوک وهونکو ترمنځ د سوک وهنې سيالۍ پيل شوې
د کابل ولايت د بدني روزنې او ورزش رياست په همکارۍ او د سوک وهنې ملي فدراسيون له لوري د ياد فدراسيون په ورزشي جمنازيوم کې د کابل ښار له څلورو زونونو او د کابل له کوهدامن سيمو څخه د ۴۰ سوک وهونکو ترمنځ د سوک وهنې سيالۍ پيل شوې.
دغه سيالۍ به د لويانو ورزشکارانو په عمري کټګورۍ او له ۵۰ کيلو ګرام څخه تر +۹۰ کيلو ګرام وزني کټګوريو پورې ترسره شي، چې په پايله کې به ۱۰ غوره ورزشکاران وپېژندل شي.
د يادو سياليو موخه د غوره استعدادونو موندل دي، چې دوې ورځې به دوام وکړي.
