د فوټبال د ۱۶ کلنو ملي لوبډلې په درېیمه لوبه کې د تاجکستان پر وړاندې لوبه مساوی کړه
د افغانستان او تاجکستان د ۱۶ کلنو فوټبال ټیمونو د منځنۍ اسیا د فوټبال یا کافا په سیالیو کې د یو بل پر وړاندې تېره شپه لوبه وکړه چې یاده لوبه د ۰-۰ مساوي پای ته ورسېده.
د افغانستان ۱۶ کلنو ملی لوبډله خپله لومړۍ لوبه ۱ - ۱ په پایلې له قرغیزستان سره مساوي کړې وه او په دویمه لوبه کې ۶ - ۰ له ازبکستان څخه ماتې ومنله او په دریمه لوبه کې له تاجکستان سره د ٠ - ٠ په پایلې لوبه مساوي کړه.
د یادونې وړ ده چې د افغانستان د ۱۶ کلنو ملي لوبډله به سبا په خپله وروستۍ لوبه کې له ایران سره مخامخ شي.
