په فراه کې د بدن ښکلا سیالۍ ترسره شوې
په فراه ولایت کې د یاد ولایت د ټولو کلبونو د سلګونه ورزشکارانو ترمنځ د بدن ښکلا سیالۍ د تلې میاشتې په ۲۹ نېته پیل شوې، چې تېره ورځ پای ته ورسېدې.
د دې سیالیو موخه د یاد ولایت د بدن ښکلا او فټنس ټاکنیزې لوبډلې لپاره د غوره څهرو موندل وو.
د یادو سیالیو ګډون کونکو ورزشکارانو د دې سیالیو له ترسره کولو د خوښي څرګندولو ترڅنګ په راتلونکي کې د ورته نورو برنامو د جوړو غوښتنه هم وکړه.
