د کندز په ورزشي لوبغالي کې د ۸۰ پهلوانانو ترمنځ د غېږ نیونې سیالۍ ترسره شوې
د کندز ولایت د بدني روزنې او ورزش ریاست او کورش فدراسیون له لوري د یاد ولایت په ورزشي لوبغالي کې د ۴۰ جوړو ۸۰ ورزشکارانو ترمنځ د کورش پهلوانۍ سیالۍ ترسره شوې.
دغه سیالۍ په ۶۵ او ۷۱ کیلو وزنونو کې ترسره شوې چې په ۶۵ کیلو ګرام وزن کې محمد کبیر او په ۷۱ کیلو ګرام وزن کې سهراب لومړی مقام ترلاسه کړ.
په یادو سیالیو کې پر ورزشي مسولینو سربېره ګڼو د ورزش مینوالو ګډون کړی و.
هېره دې نه وي چې د دغو سیالیو موخه د ولایتي سیالیو لپاره د غوره ورزشکارانو موندل و او په پای کې غوره پهلوانانو ته مډالونه، ستاینلیکونه او ډالۍ ورکړل شول.
