میدان وردګ؛ په جلریز ولسوالۍ کې د ۸ کلبونو ترمنځ د پهلوانۍ سیالۍ ترسره شوې
د میدان وردګو ولایت د بدني روزنې او ورزش امریت په همکارۍ د پهلوانۍ فدراسیون له لوري د یاد ولایت په جلریز ولسوالۍ کې د ۸ کلبونونو ۷۸ جوړو ورزشکارانو ترمنځ د یووالي په نوم د پهلوانۍ سیالۍ ترسره شوې.
په دغو سیالیو کې د یاد ولایت د کلبونو ترڅنګ له کابل ولایت څخه هم ورزشکارانو ګډون کړی و، چې په پایله کې د میدان وردګ پهلوانۍ کلب وکولی شوای د ۱۲ طلا مډالونو په ترلاسه کولو سره لومړی مقام ترلاسه کړي.
باید یادونه وشي چې د یادو سیالیو موخه ورزش ته وده ورکول او د ورزشکارانو ترمنځ د یووالي فضا رامنځته کول وو.
