میدان وردګ؛ په مرکز میدان ښار کې د ۸ کلبونو ورزشکارانو ترمنځ د کونګفو سیالۍ ترسره شوې
د میدان وردګو ولایت د بدني روزنې او ورزش امریت په همکارۍ د کونګفو فدراسیون له لوري د "ميدان وردګ" جام په نوم د ۸ کلبونو ۱۲۰ جوړو ورزشکارانو ترمنځ د کونګفو سیالۍ ترسره شوې.
په دغو سیالیو کې د یاد ولایت د کلبونو ترڅنګ له کابل ولایت ورزشکارانو هم ګډون کړی و، چې په پایله کې د استاد میرویس نظری کونګفو کلب سرو زرو د ۱۳ مډالونو په ترلاسه کولو سره لومړی مقام ترلاسه کړ.
باید یادونه وشي چې د یادو سیالیو موخه د کونګفو ورزش ته وده ورکول او د ورزشکارانو ترمنځ د یووالي فضا رامنځته کول وو.
