ننګرهار؛ د مرکز او ۲۲ ولسوالیو د ۱۱۰ ورزشکارانو ترمنځ پروفیشنل رزمي سیالۍ پیل شوې
د ننګرهار ولایت د بدني روزنې او ورزش ریاست او رزمي ورزشونو فدراسیون له لوري د ننګرهار د مرکز جلال اباد ښار او ۲۲ ولسوالیو د ۱۱۰ ورزشکارانو ترمنځ د پروفېشنل رزمي سیالۍ ترسره شوې.
دغه سیالۍ د درېیو کټګوریو( نویو ځوانانو، ځوانانو او لویانو) کټګورۍ په مختلفو وزنونو کې ترسره شوې او موخه یې د یاد ولایت په کچه د منتخبې لوبډلې ټاکل و، چې په پایله کې د مختلفو وزنونو او کټګوریو څخه ۳۰ کسیزه منتخبه لوبډله وټاکل شوه.
د یادونې وړ ده چې دغه سیالۍ په ننګرهار ولایت کې د لومړي ځل لپاره ترسره شوې چې د مرکز په ګډون پکې د ۲۲ ولسواليو ورزشکارانو هم ګډون کړی و.
