لوګر؛ په محمد آغې ولسوالۍ کې د ۶۰ ورزشکارانو ترمنځ د کيوکيشن کانچو ماتسويي سيالۍ ترسره شوې
د لوګر ولايت په محمد اغه ولسوالۍ کې د کانچو کيوکيشن ماتسويي فدراسيون له لوري د دوو کلبونو د ۶۰ ورزشکارانو ترمنځ د کيوکيشن کانچو ماتسويي سيالۍ ترسره شوې.
دغه سيالۍ د څلورو کټګوري( تنکيو ځوانانو، نويو ځوانانو، ځوانانو او لويانو) په مختلفو وزنونو کې ترسره شوې، چې په پايله کې د استاد عبدالحميد کلب د زياتو نومرو په ترلاسه کولو سره بريا خپله کړه.
په پای کې د نوموړي ولايت د ورزشي امريت له لوري لومړي، دويم او درېيم مقام ورزشکارانو ته مډالونه، ستاينليکونه او ورزشي بيکونه ورکړل شول.
هېره دې نه وي چې د دغو سياليو موخه ورزش ته ځوانانو هڅول او د نشه يي موادو پر ضد مبارزه وه.
