په کندز کې د ۶۰ جوړو پهلوانانو ترمنځ د کورش سیالۍ ترسره شوې
کندز ولایت د بدني روزنې او ورزش ریاست او کورش فدراسیون په همغږۍ د یاد ولایت په ورزشي لوبغالي کې د ۶۰ جوړو ۱۲۰ پهلوانانو ترمنځ د یوې ورځې لپاره د کورش سیالۍ ترسره شوې.
د دغو سیالیو په مراسمو کې دیاد ولایت ورزشي مسوولینو، حکومتي چارواکو، ورزشکارانو او د ورزش ګڼو مینوالو ګډون کړی و.
هېره دې نه وي چې د دغو سیالیو په پای کې غوره لوبغاړو ته نغدې پیسې او چمتو شوې ډالۍ ورکړل شوې.
