عقاب لوبډلې د جوزجان د فوټسال سیالیو اتلولي وګټله
د جوزجان ولایت د بدني روزنې او ورزش امریت په همکارۍ د ۱۲ کلیوالي لوبډلو ترمنځ د فوټسال سیالۍ چې دوه اوونۍ وړاندې په سیمرغ البرز په لوبغالي کې پیل شوې وې، د عقاب لوبډلې په اتلولۍ سره پای ته ورسېدې.
د سیالیو پایلوبه د یاران کلب او عقاب نبرد لوبډلې ترمنځ وه چې په پایله کې ۹-۳ ګولونو په توپیر د عقاب نبرد لوبډلې په اتلولۍ پای ته ورسېده.
په پای کې د ورزش د ادارې او د فوټسال کمېټې د مسوولينو له لوري ګټونکو لوبغاړو او لوبډلو ته کپونه، مډالونه او ستاينليکونه ووېشل شول.
