کونړ؛ په مرکز اسعد اباد ښار کې د واليبال ټورنمنټ د خاص کونړ ولسوالۍ لوبډلې په اتلولۍ پاى ته ورسېد
د کونړ ولايت په مرکز اسعد اباد ښار کرهالي کې د واليبال ټورنمنټ، چې څو ورځې وړاندې د دې ولايت د ورزش امريت او افغان خصوصي ښوونځي په ګډه همکارۍ د شپږ لوبډلو ترمنځ پيل شوی و د خاص کونړ ولسوالۍ لوبډلې په ګټه پاى ته ورسېد.
د دې ټورنمنټ پايلوبې ته د کرهالي او خاص کونړ لوبډلو لارپیداکړه، چې د خاص کونړ لوبډلې د کرهالي لوبډلې ته د ٣-٠ ميدانونو په توپیر ماتې ورکړه او د دې ټورنمنټ اتلولي يې خپله کړه.
په پای کې د خاص کونړ لوبډلې ته د اتلولۍ کپ او د کرهالې لوبډلې ته د دوهم مقام کپ ډالۍ شو.
همداراز په دې ټورنمنټ کې غوره لوبغاړو ته د ورزش امريت او افغان خصوصي ښوونځي د ادارې له لوري ورزشي ډالۍ او ستاينليکونه هم ورکړل شول.
