هلمند؛ د مرکز لشکرګاه د فوټبال سیالیو اتلولي یاران لوبډلې خپله کړه
د هلمند ولایت د بدني روزنې او ورزش امریت اړوند فوټبال فدراسیون له لوري د ۲۶ (ب) لوبډلو ترمنځ د فوټبال سیالیو اتلولي یاران لوبډلې خپله کړه.
د دغو سیالیو پایلوبې ته یاران او امید برومند لوبډلو لار موندلې وه، چې په پایله کې یاران لوبډلې خپلې سیالې لوبډلې ته په یوه ګول ماتې ورکړه او اتلولي یې خپله کړه.
یادې سیالۍ چې موخه یې د غوره لوبغاړو موندل او ورزش ته د ځوانانو هڅول وو، دوه میاشتې وړاندې پیل شوې وې او تېره ورځ په بریالیتوب سره پای ته ورسېدې.
