ننګرهار؛ په کامې ولسوالۍ کې د «کامې اتلانو» په نوم د ټېپ بال کرکټ سیالۍ بیل شوې
د ننګرهار ولایت د ورزش ریاست په مرسته د ټېپ بال کرکټ فدراسیون له لوري په کامې ولسوالۍ کې له نظام څخه د ملاتړ او یووالي په موخه د لسو لوبډلو ترمنځ د ټېپ بال کرکټ سیالۍ پیل شوې.
د دغو سیالیو د پیل په لوبه کې د کامې زلمي او کامې سوپرکینګ لوبډلې سره مخ شوې، چې د کامې سوپرکینګ لوبډلې د لوبې پچه وګټله او لومړی یې د توپوهنې پرېکړه وکړه، چې په ټاکلو نهو اورونو کې یې د ټولو لوبغاړو په سوځېدو سره مقابلې لوبډلې ته د ۶۴منډو هدف ورکړ.
په مقابل کې د کامې زلمي لوبډلې ورکړل شوی هدف په پنځم اور کې د درېیو لوبغاړو په سوځېدو سره پوره کړ.
یادې سیالۍ به ۲۰ ورځې دوام وکړي چې ګټونکې لوبډلې ته به یو عراده موټرسایکل هم په جایزه کې ورکړل شي.
