بامیان؛ د پنځو ولایتونو د ورزشکارانو ترمنځ د ووشو سیالۍ ترسره شوې
په بامیان ولایت کې د ووشو فدارسیون، ورزش امریت او اطلس لوبغالي په ګډه همکارۍ د پنځو ولایتونو د ۷۰ تنو ورزشکارانو ترمنځ د ووشو د ساندوانګ برخې سیالۍ ترسره شوې.
دغه سیالۍ چې د افغان بیسیم مخابراتي شرکت په مالي ملاتړ ترسره شوې، له پلازمېنې کابل څخه ۱۸ تنو ورزشکارانو، له بامیان څخه ۳۰ تنو، له میدان ورګ څخه ۱۱ تنو، له غور څخه ۶ او له غزني څخه پنځو تنو پکې برخه اخیستې وه.
د سیالیو په پایله کې کابل لومړی مقام، بامیان دویم او غور ولایت درېیم مقام ترلاسه کړ.
