____________په کابل کې د شمالي زون په کچه د ۱۰۰ ورزشکارانو ترمنځ د کیک بوکسنګ پنځم پړاو سیالۍ پیل شوې
د بدني روزنې او ورزش عمومي ریاست اړوند کیک بوکسنګ ملي فدراسیون له لوري د یاد ریاست په ۲۵۰۰ کسیز جمنازیوم کې د شمالي زون په کچه د ا.ا.ا خپلواکۍ د دویمې کالیزې په مناسبت د کیک بوکسنګ سیالۍ ترسره شوې.
په دغو سیالیو کې د بدني روزنې او ورزش عمومي ریاست او کیک بوکسنګ ملي فدراسیون مسوولینو، روزنکو، لوبڅارانو، ورزشکارانو او د ورزش ګڼو مینوالو ګډون کړی و.
دغه سیالۍ د څلورو کټګوریو (تنګو ځوانانو، نويو ځوانانو، ځوانانو او لویانو) ترمنځ د یوې ورځې لپاره ترسره کېږي.
د یادونې وړ ده چې په پای کې به د ورزشي مسوولیونو له لوري غوره وزشکارانو ته مډالونه او د قهرمانۍ حکمونه ورکړل شي.
هېره دې نه وي چې د دغو سیالیو موخه د کابل د شمالي زون په کچه د کیک بوکسنګ لوبډلې لپاره د غوره ورزشکارانو موندل دي.
