په غزني ولایت کې د ۱۴۰ورزشکارانو ترمنځ د سوک وهنې منتخبې سیالۍ پیل شوې
د غزني ولایت د بدني روزنې او ورزش امریت په همغږۍ د سوک وهنې فدراسیون له لوري د غزني ولایت د سوک وهنې د ټولو کلبونو د کوچنیانو، نوي ځوانانو، ځوانانو او لویانو سني کټګوریو د ۱۴۰ وزرشکارانو ترمنځ د ورزش امریت په جمنازیوم کې د سوک وهنې منتخبې لوبډلې د غوراوي سیالۍ پیل شوې.
په دې پروګرام کې د غزني د ورزش امر حاجي بلال، د فدراسیون مسوولینو، ورزشکارانو، روزونکو او د دې رشتې مینه والو شتون درلود.
د دې سیالیو موخه په غزني ولایت کې د سوک وهنې منتخبې لوبډلې د غوره لوبغاړو ټاکل دي.
د یادولو ده چې د سیالیو په پای کې به په بېلابېلو سني کټګوریو کې ۳۵تنه ورزشکاران د غزني د سوک وهنې منتخبې لوبډلې ته وټاکل شي.
