د هېواد ورزشکارانو په پاکستان کې د تکواندو له پنځم پړاو آزادو آسیایي سیالیو څخه تر دې دمه دوه د سپینو زرو مډالونه وګټل
د هیواد د تکواندو ورزشکارانو د آسیا د تکواندو په آزادو سیالیو کې چې د پاکستان هېواد په کوربه پیل شوې، دوه د سپینو زرو مډالونه وګټل.
په دې سیالیو کې د افغان ورزشکارانو له ډلې حکمت الله زین وکولای شول چې خپل دوه پاکستاني او قزاقستاني سیالانو ته ماتې ورکړي او د سپینو زرو مډال وګټي.
امید سهاک هم خپل پاکستاني، قزاقستاني او اردني سیال ته ماتې ورکړه او د سپینو زرو مډال یې تر لاسه کړ.
د یادونې وړ ده چې د آسیا د تکواندو د آزادو سیالیو په پنځم پړاو کې له ۲۳ هېوادونو څخه ۳۱۵ تنو ورزشکارانو ګډون کړی.
د افغانستان په استازولۍ ۱۹ تنه تکواندوکاران دې سیالیو ته ورغلي.
سبا او بله ورځ به نور افغان ورزشکاران هم له خپلو سیالانو سره ولوبیږي.
په دغو آزادو آسیایي سیالیو کې د آسیا پر المپیکي مخکښو ورزشکارانو سربېره د سپورټ لوی شمېر وتلې څېرې هم شتون لري.
