تخار؛ مرکز لوبډلې د والیبال د دوه ورځنیو سیالیو اتلولي وګټله
د تخار ولایت په خواجه غار ولسوالۍ کې د ۹ لوبډلو ترمنځ د والیبال سیالۍ چې دوې ورځې وړاندې پیل شوې، د تخار مرکزي لوبډلې په بریا پای ته ورسېدې.
د والیبال په یاد ټورنمېنټ کې د خواجه غار، دشت کلا، ینګي کلا، بهارک او مرکز لوبډلو ګډون درلود.
پایلوبې ته مرکز او د خواجه غار ولسوالۍ هزار باغ لوبډلو لاره وموندله، چې د ۳-۰ په توپیر د مرکز لوبډلې په بریا پای ته ورسېدې.
په کلیو او ولسوالیو کې د والیبال لوبې وده او پراختیا د یادو سیالیو موخه ښودل شوې ده.
