پکتیکا؛ مرکز شرنه کې د نیزه وهنې سیالۍ پای ته ورسېدې
د پکتیکا ولایت د بدني روزنې او ورزش امریت اړوند د نېزه وهنې فدراسیون د استازولۍ لوري او د Brac موسیسې په مالي ملاتړ د یاد ولایت په مرکز شرنه کې د څلورو لوبډلو ترمنځ د نیزه وهنې سیالۍ د اتفاق B لوبډلې په اتلولۍ پای ته ورسېدې.
په دغو سیالیو کې اتفاقB, اتفاقA, زاولو او مرکزي لوبډلو ګډون کړی وو. په پایله اتفاقB لوبډلې د ۵۲ نومرو په ترلاسه کولو لومړی او اتفاقA لوبډلې د ۴۴ نومرو په ترلاسه کولو دویم مقام ترلاسه کړ.
د دې سیالیو د ترسره کېدو موخه د ځوانانو ترمنځ ټولنیز سمون وو او د سیالیو په پای کې د Brac موسیسې له لوري لومړي مقام ته 10000Af او دویم مقام ته 5000Af افغانۍ د نغدي جایزې په ډول ورکړل شوې.
