کونړ؛ خاص کونړ ولسوالۍ کې د واليبال سیالۍ پیل شوې
د کونړ ولايت د بدني روزنې او ورزش آمریت په همغږۍ او د واليبال فدراسيون د نمایندګي له لوري د خاص کونړ ولسوالۍ په کوزه عراضۍ سیمه کې د ۱۸ لوبډلو ترمنځ د والیبال سیالۍ پیل شوې.
په دغو سیالیو کې چې لس ورځې به دوام وکړي، د کونړ ولایت د لوبډلو ترڅنګ د ننګرهار ولایت لوبډلو هم ګډون کړی دی.
د یادو سیالیو لومړۍ لوبه د خاص کونړ منتخبې لوبډلې او خاص کونړ ب لوبډلې ترمنځ ترسره شوه، چې په پایله کې د کونړ منتخبې لوبډلې د ۳/۰ میدانونو په توپیر وګټله.
