بامیان؛ یکاولنګ ولسوالۍ کې د فوټبال سیالۍ ترسره شوې
د بامیان ولایت د بدني روزنې او.ورزش آمریت له لوري د یکاولنګ ولسوالۍ له ټولو کلیو څخه د ۱۳ لوبډلو په ګډون د فوټبال سیالۍ پیل شوې، چې ۲۰ ورځې به دوام وکړي.
د یادو سیالیو لومړۍ لوبه د استقلال او حزب لوبډلو ترمنځ ترسره شوه، چې په پایله کې حزب لوبډلې د ۳/۱ ګولونو په توپیر خپلې سیالې لوبډلې ته ماتې ورکړه.
د دغو سیالیو موخه په یکاولنګ ولسوالۍ کې د فوټبال وده او د ورزش د غوره څېرو موندل ښودل شوي دي.
