سمنگان؛ د ۲۰ ورزشکارانو ترمنځ د توپ ډنډې سیمه ییزې سیالۍ ترسره شوې
د سمنګان ولایت د بدني روزنې او ورزش امریت اړوند د ملي او سېمه ییزو لوبو عمومي مدیریت له لوري د یاد ولایت قلعه شباق ورزشي لوبغالي کې د دوه لوبډلو(عقابان، درخشان) او۲۰ ورزشکارانو ترمنځ د توپ ډنډې سېمه ییزې سیالۍ ترسره شوې.
دغو سیالیو په پایله کې د عقابان لوبډلې په شلو دقیقو کې د زیاتو امتیازونو په ترلاسه کولو سیالې درخشان لوبډلې ته ماتې ورکړه او اتلولي یې خپله کړه.
د یادو سیالیو موخه د سمنګان ولایت د ملي او سیمه ییزو لوبو ورزش ته وده او پراختیا ورکول و.
