بامیان: یکاولنګ نمبر یک ولسوالۍ کې د نويو ځوانانو د فوټبال سیالۍ د مهاجرو شهرک لوبډلې په اتلولۍ پای ته ورسېدې
د بامیان ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په یکاولنګ نمبر یک ولسوالۍ کې د ۱۴ لوبډلو ترمنځ د یووالي او خواخوږۍ په نوم د نوي ځوانانو د فوټبال سیالۍ، چې دوې اوونۍ وړاندې پیل شوې وې، د مهاجرو شهرک لوبډلې په اتلولۍ پای ته ورسېدې.
د دغو سیالیو پایلوبه د مهاجرو شهرک او درخشان لوبډلو ترمنځ ترسره شوه، چې په پایله کې مهاجرو شهرک لوبډلې خپلې سیالې لوبډلې ته د ۳/۲ ګولونو په توپیر ماتې ورکړه او اتلولي یې خپله کړه.
د سیالیو په پای کې فیض الله د زیاتو ګولونو وهونکی، حسن غوره ګول ساتونکی او نوید د سیالیو غوره لوبغاړی وپېژندل شو.
د یادو سیالیو موخه د یکاولنګ نمبر یک ولسوالۍ د نويو ځوانانو ترمنځ د فوټبال ورزش ته وده ورکول و.
