غور؛ فیروز کوه ښار کې د ۱۲ لوبډلو ترمنځ د فوټسال سیالۍ د اتفاق بادګاه لوبډلې په اتلولۍ پای ته ورسېدې
د غور ولایت د بدني روزنې او ورزش امریت اړوند د فوټبال فدراسیون د استازولۍ له لوري په فیروز کوه ښار کې د ۱۲ لوبډلو ترمنځ د فوټسال سیالۍ، چې دوې اوونۍ وړاندې پيل شوې وې د اتفاق بادګاه لوبډلې په اتلولۍ پای ته ورسېدې.
د دغو سیالیو په پایلوبه کې د اتفاق بادګاه لوبډلې خپلې سیالې جام غور لوبډلې ته د ۷/۵ ګولونو په توپير ماتې ورکړه او اتلولي یې خپله کړه.
یادې سیالۍ د فوټسال ورزش ته وده ورکول او د هېواد فوټسال ملي لوبډلې د ۲۰۲۴ م کال فوټسال نړۍوال جام ته د لار موندنې په موخه ترسره شوې.
