پکتيکا کې د څلورو ولايتونو ترمنځ د کيک بوکسينگ سيالۍ ترسره شوې
د پکتيکا ولايت د بدني روزنې او سپورټ امريت اړوند د کيک بوکسينگ فدراسيون د استازولۍ له لوري د مرکز ښرنې ښار په سولي پارک جمنازيوم کې د څلورو ولايتونو د ۶۸ ورزشکارانو ترمنځ په څلورو عمري کټگوريو کې د اروښاد عبدالرقيب هوتک په نوم د کيک بوکسينگ لومړي پړاو سيالۍ ترسره شوې.
په دغو سياليو کې د کابل، پکتيا، غزني او کوربه پکتيکا لوبډلو ورزشکارانو گډون کړی وو، چې په پايله کې د پکتيکا لوبډلې ورزشکارانو لومړی مقام ترلاسه کړ.
د دغو سياليو د ترسره کېدو موخه د کيک بوکسينگ ورزشکارانو ترمنځ د سالم رقابت رامنځته کول و، چې يوه ورځ يې دوام وکړ.
