پکتيا؛ په مرکز گردېز ښار کې د ۳۰ ورزشکارانو ترمنځ د سنوکر سيالۍ ترسره شوې
د پکتيا ولايت د بدني روزنې او سپورټ رياست اړوند د سنوکر فدراسيون د استازولۍ له لوري د ياد ولايت په مرکز گردېز ښار کې د ۳۰ ورزشکارانو ترمنځ د سنوکر دوستانه سيالۍ ترسره شوې.
دغه سیالۍ چې څلور ورځې يې دوام وکړ، په پايله کې بخت محمد لومړی، فضل جان دويم او اسحاق بيا درېيم مقام ترلاسه کړ.
د يادو سياليو په پای کې غوره ورزشکارانو ته د اتلولۍ حکمونه، مډالونه او ستاينليکونه ورکړل شول.
