خوست؛ مرکز متون ښار کې د نهو لوبډلو ترمنځ د والیبال سیالۍ د متون درګوټیو لوبډلې په اتلولي پای ته ورسېدې
د خوست ولایت د بدني روزنې او ورزش آمریت اړوند د والیبال فدراسیون له لوري او د NCA په مالي ملاتړ د یاد ولایت مرکز متون ښار کې د نهو لوبډلو ترمنځ د والیبال سیالۍ د متون درګوټیو لوبډلې په اتلولي پای ته ورسېدې.
د یادو سیالیو په پایلوبه کې متون درګوټیو لوبډلې د ۳۱ پر ۲۶ نمرو په توپیر خپلې سیالې کاروان سرای لوبډلې ته ماتې ورکړه او اتلولي یې په خپل نوم کړه.
دغو سیالیو لس ورځې دوام وکړ او په پای کې لومړي، دویم او درېیم مقام لوبډلو ته کپونه او غوره ورزش کارانو ته ورزشي توکي د ډالۍ په توګه ورکړل شول.
