کندز؛ قلعه ذال ولسوالۍ کې د اتو لوبډلو ترمنځ د والیبال سیالۍ پای ته ورسېدې
د کندز ولایت د بدني روزنې او ورزش ریاست اړوند د والیبال فدراسیون د استازولي له لوري د ياد ولايت په قلعه ذال ولسوالۍ کې د اتو لوبډلو ترمنځ د والیبال سیالۍ د چهار درې لوبډلې په اتلولي پای ته ورسېدې.
د یادو سیالیو پایلوبه د مزارشريف او چهار درې ولسوالۍ لوبډلو ترمنځ ترسره شوه، چې په پایله کې یې چهار درې ولسوالۍ لوبډلې د ٣١ / ١٨ نمرو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دا سیالۍ د سیمې د ځوانانو لپاره د سالمې تفريح برابرولو په موخه ترسره شوې، چې یوه شپه یې دوام وکړ.
