کندز؛ دشت ارچي ولسوالۍ کې د ۱۳ لوبډلو ترمنځ د والیبال سیالۍ پای ته ورسېدې
د کندز ولایت د بدني روزنې او ورزش ریاست اړوند د والیبال فدراسیون د استازولي له لوري د یاد ولایت په دشت ارچي ولسوالۍ کې د ۱۳ لوبډلو ترمنځ د والیبال سیالۍ د قرلق منتخبې لوبډلې په اتلولي پای ته ورسېدې.
د یادو سیالیو پایلوبه د قرلق منتخبې او امام صاحب ولسوالۍ لوبډلو ترمنځ ترسره شوه، چې په پایله کې یې قرلق منتخبې لوبډلې د ۳ پر صفر میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دا سیالۍ د یوې شپې لپاره د سیمې د خلکو لپاره د سالمې تفرېح د برابرولو په موخه ترسره شوې او په پای کې اتلې لوبډلې ته ۴۰۰ امریکايي ډالر او دویم مقام لوبډلې ته ۱۰۰ امریکايي ډالره د ډالۍ په توګه ورکړل شول.
