دایکندي؛ شهرستان ولسوالۍ کې د نهو لوبډلو ترمنځ د فوټبال سيالۍ پای ته ورسېدې
د دايکندي ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په شهرستان ولسوالۍ کې د وحدت جام په نوم د نهو لوبډلو ترمنځ د فوټبال سيالۍ، چې درې اوونۍ مخکې پيل شوې وې د وحدت لوبډلې په اتلولۍ پای ته ورسېدې.
د دغو سياليو په پايلوبه کې د وحدت لوبډلې خپلې سیالې برق ريشکک لوبډلې ته د ۳/۰ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټبال ورزش ته وده ورکول او ورزشکارانو ته سالمه تفرېح برابرول و.
د سياليو په پای کې غوره لوبډلې ته چمتو شوې ډالۍ ورکړل شوې.
