پکتیا کې د پنځو ولایتونو ترمنځ د والیبال سیالۍ پای ته ورسېدې
د پکتیا ولایت د بدني روزنې او ورزش ریاست په همغږۍ، د والیبال فدراسیون د استازولۍ له لوري د په زرمت ولسوالۍ په سورکۍ سیمه کې د پنځو ولایتونو ۳۳ لوبډلو ترمنځ د اختریز جام په نوم د واليبال دوستانه سیالۍ د کلالگو اتلانو په اتلولۍ پای ته ورسېدې.
په يادو سیالیو کې له پکتیکا، خوست، لوگر، غزني او کوربه پکتیا ولایتونو څخه لوبډلو گډون کړی وو، چې په پایلوبه کې کلالگو اتلانو لوبډلې خپلې سیالې نیازي سټار لوبډلې ته د ۳ پر صفر میدانونو په توپیر ماتې ورکړه او اتلولي یې وگټله.
دا سیالۍ د سیمې د خلکو لپاره د سالمې تفريح برابرولو په موخه وشوې، چې ۱۵ ورځې یې دوام وکړ.
