زابل؛ شاجوی ولسوالۍ کې د نيزه وهنې اختريزې سيالۍ وشوې
د زابل ولايت د بدني روزنې او ورزش آمريت په همغږۍ، د نيزه وهنې، وزلوبې او سيمه ييزو لوبو فدراسيون د استازولۍ له لوري د ياد ولايت په شاجوی ولسوالۍ کې د اووه لوبډلو ترمنځ د نيزه وهنې اختريزې سيالۍ وشوې.
د يادو سياليو په پايله کې آب کچي لوبډلې د ۵۲ امتيازونو په خپلولو سره لومړی، لوړې چينې لوبډلې د ۴۸ امتيازونو په ترلاسه کولو سره دويم او ښکتې چينې لوبډلې د ۴۲ امتيازونو ترلاسه کولو سره درېيم مقام خپل کړ.
