پکتیکا کې ۱۵۰ ورزشکارانو ته د فکري روزنې اصلاحي سیمینار پای ته ورسید
د المپیک، بدني روزنې او ورزش عمومي ریاست اړوند د دعوت او ارشاد ریاست له لوري د پکتيکا ولایت په مرکز ښرنه کې د بېلابېلو فدراسیونونو ۱۵۰ ورزشکارانو د فکري روزنې دوه ورځینی اصلاحي سیمینار پای ته ورسېد.
دغه سيمينار د دعوت او ارشاد رياست د مدرس مولوي محمد ابراهيم "سعادت" له لوري وړاندې شو، چی پکې د دیني ارزښتونو، اسلامي اخلاقو، سالم فکر، ورزشي کړنو او د ورزشکار د فردي او ټولنیز مسؤولیت په اړه گټور معلومات وړاندې شول.
د یادونې وړ ده، چې ياد سيمينار د پکتيکا ولايت د بدني روزنې او ورزش آمريت په همکارۍ ترسره شو او په پای کې گډونوالو ته تصدیق پاڼې ورکړل شوې.
