کندز؛ قلعه زال ولسوالۍ کې د وزلوبې سيالۍ وشوې
د کندز ولايت د بدني روزنې او ورزش رياست په همغږۍ، د وزلوبې، نيزه وهنې او سيمه ييزو لوبو ملي فدراسیون د استازولۍ او د قلعه زال ولسوالۍ ورزشي مدیریت په گډه همکارۍ د يادې ولسوالۍ په کچه د ۵۰ چاپندازانو ترمنځ د وزلوبې سيالۍ وشوې.
د يادو سياليو پايله کې دوه اخراوالاقه ترسره شول، چې لومړی اخراوالاق حيات الله پهلوان او دويم اخراوالاق بيا احکام پهلوان تر حلالې دایرې ورسوه او د ځانگړو چمتو شويو ډاليو گټونکي شول.
دا سيالۍ ملي او دوديزو لوبو ته د ودې ورکولو او د يادې ولسوالۍ وگړو لپاره د سالمې تفريح برابرولو په موخه ترسره شوې، چې يوه ورځ يې دوام وکړ.
