پکتيا؛ مرکز ګردېز ښار کې د ۱۵ لوبډلو ترمنځ د رسۍ کشوونې سیالۍ ترسره شوې
د پکتيا ولايت د بدني روزنې او ورزش رياست له لوري د یاد ولایت مرکز ګردېز ښار کې له ۱۵ لوبډلو د ۶۰ ورزشکارانو ترمنځ د رسۍ کشوونې سیالۍ ترسره شوې.
دغه سیالۍ د لویانو په عمري کټګوري کې ترسره شوې، چې په پایله کې یې یاران کلب لومړی، ټایګر کلب دویم او نښتر کلب بیا درېیم مقام ترلاسه کړ.
يادې سیالۍ ملي او دودیزو لوبو ته د ودې په موخه ترسره شوې، چې یوه ورځ یې دوام وکړ.
