ميدان وردګو ولايت کې د کرکټ شل اوريزې سيالۍ ترسره شوې
د ميدان وردګو ولايت مرکز ميدان ښار کې د ٨لوبډلو تر منځ د کرکټ شل اوريزې سيالۍ ترسره شوې.
دغو سیالیو څلور ورځې يې دوام وکړ چې موخه يې د ځوانانو ترمنځ يووالى او سالمه بوختيا بلل شوې ده.
د دغو سياليو پاى لوبې ته د ميدان زلميانو او شهرنو پښتون لوبډلو لار ومونده چې شهر نو پښتون لوبډلې د لوبې پچه وګټله او د توپ وهنې پرېکړه يې وکړه چې په ټاکل شويو شلو اورونو کې يې د ميدان زلميو لوبډلې ته د ١٦٤منډو هدف کېښود.
د ميدان زلمويو لوبډلې ورکړل شوى هدف د لوبې په وروستي اور کې پوره کړ او د ياد ټورنمنټ اتلولي يې خپله کړه.
