ننګرهار؛ ګوشتې ولسوالۍ کې د ۵۶ لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست له لوري د یاد ولایت په ګوشتې ولسوالۍ کې د ۵۶ لوبډلو ترمنځ د ټېپ بال کرېکټ سیالۍ د ورسک اتفاق لوبډلې په اتلولي پای ته ورسېدې.
د یادو سیالیو پایلوبه کې ورسک اتفاق لوبډلې له خپل ۱۵۴ منډو هدف څخه دفاع وکړه او د څلورو منډو په توپیر یې خپلې سیالې خویزو سټار لوبډلې ته ماتې ورکړه او د دغو سیالیو اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه میاشت یې دوام وکړ.
