وردګ؛ سیدآباد ولسوالۍ کې ۱۷۰ لوبډلو ترمنځ د فتحې جام په نوم د والیبال ټورنمنټ پای ته ورسېد.
د میدان وردګو ولایت په سیدآباد ولسوالۍ کې د مرکز او ولسوالیو د ۱۷۰ لوبډلو تر منځ د والیبال تورنمنټ چې د کوچني اختر په دوهمه ورځ پیل شوی ۉ، نن د ثور په ۱۸مه د عمر مایار لوبډلې په بریا پای ته ورسېد.
د میدان وردګو ولایت د بدني روزنې آمر ذبیح الله وهاج د پای د مراسمو په ترڅ کې وویل: «په یادو سیالیو کې د عمر مایار لوبډلې لومړي د سالارو لوبډلې دوهم او د میدانښار لوبډلې دریم مقام ترلاسه کړ».
د نوموړي په خبره د تورنمنټ د لوبو پای ته د ولایت مقام رئیس مفتی احمدالله نظامي د اطلاعاتو او فرهنګ رئیس صفي الله رائد او ګڼ شمیر نورو محلي مسؤلینو تر څنګ په سلګونو د ورزش مینوالو راغلي وه.
ددې ټورنمنټ د جوړولو موخه د د ځوانانو تشویق او په دې برخه کې د استعدادونو را برسېره ښوودل شوي.
د ټورنمټ یو تن جوړوونکی میلاد احمد احمدي وایي دا لومړی ځل دی چې په داسې آرمه او ښه فضا او دومره لوی شمېر ګډونوالو په شتون کې مو یادې لوبې ترسره کړې.
دی وایي موږ د ولایت په کچه زیات شمېر پیاوړي لوبغاړي لرو؛ خو د مرکز د یوه جمنازیم پرته په یوه ولسوالۍ کې هم معیاري د لوبو میدان نلرو، چې د ورزش د لا ښه پرمختګ مخ یې ډب کړې ده.
یادې سیالۍ پداسې حال کې ترسره کیږي، چې د بدني روزني آمریت څه موده وړاندې د ورزش په برخه کې د پراخ، اغېزمن فعالیت، نوښتونو ټټر وهلی ۇ او ژمنه یې کړې وه چې د ټول ولایت په کچه به د ورزش د لا ډیر او متوازن پرمختګ هڅه کوي.
