پکتيا؛ مرکز گردېز ښار کې د شپږو ولایتونو ترمنځ د کيک بوکسنگ سيالۍ ترسره شوې
د پکتيا ولايت د بدني روزنې او ورزش رياست اړوند د کيک بوکسنگ فدراسيون د استازولۍ له لوري د مرکز گردېز ښار په مرکزي سټوډيوم کې د شپږو ولایتونو د ۳۵ جوړو ترمنځ په کي ون (K 1) سبک کې د کيک بوکسنگ دوستانه سيالۍ ترسره شوې.
په يادو سياليو کې د کابل، کاپيسا، کندهار، پکتيکا، باميان او کوربه پکتيا لوبډلو گډون کړی وو.
دغه سیالۍ، چې د ورزشکارانو د يووالي په موخه ترسره شوې، په پايله کې پکتيا لومړی، کابل دويم او پکتيکا بيا درېيم مقام ترلاسه کړ.
د سياليو په پای کې د ياد ولايت د ورزش رياست له لوري غوره ورزشکارانو ته کپونه، مډالونه او د اتلولۍ حکمونه ورکړل شول.
