کابل؛ د افغانستان اتلانو لیګ درېیم پړاو فوټبال سیالیو پنځه څلوېښتمه او شپږ څلوېښتمه لوبه کې استقلال کابل او سرخ پوشان خوافي لوبډلو بریاوې خپلې کړې
د افغانستان اتلانو درېیم پړاو فوټبال سیالیو په دوام کې پنځه څلوېښتمه او شپږ څلوېښتمه لوبه کې استقلال کابل له میوند اف. سي او سرخ پوشان خوافي له موج ساحل لوبډلې سره لوبه ترسره کړه.
د دغو سیالیو پنځه څلوېښتمه لوبه کې استقلال کابل لوبډلې میوند اف . سي ته د ۲-۳ ګولونو او سرخ پوشان خوافي لوبډلې موج ساحل ته د ۴-۰ ګولونو په توپیر ماتې ورکړه.
د افغانستان اتلانو لیګ درېیم پړاو فوټبال سیالۍ ۲۳ ورځې مخکې د بدني روزنې او ورزش ریاست په مرسته د فوټبال فدراسیون له لوري د مرکز او ولایتونو ۱۲ لوبډلو ترمنځ پیل شوي دي چې لس ورځې به نور هم دوام وکړي.
