هلمند؛ باباجي ولسوالۍ کې د ۱۴ لوبډلو ترمنځ د ټېپ بال کرکټ سيالۍ د شاهين ځوانانو لوبډلې په اتلولۍ پای ته ورسېدې
د هلمند ولایت د بدني روزنې او ورزش امريت له لوري د ياد ولايت په بابا جي ولسوالۍ کې د ۱۴ لوبډلو ترمنځ د ټېپ بال کرکټ سيالۍ چې يوه مياشت مخکې پيل شوې وې د شاهين ځوانانو لوبډلې په اتلولۍ پای ته ورسېدې.
د دغو سياليو پايلوبه د شاهين ځوانانو او د بست ساتونکو لوبډلو ترمنځ ترسره شوه، د بست ساتونکو لوبډلې د پچې په ګټلو سره د توپ وهنې پرېکړه وکړه چې په ټاکلو ۱۲ اورونو کې یې خپلې سيالې لوبډلې ته د۹۲ منډو هدف وټاکه. په مقابل کې شاهين ځوانانو لوبډلې ټاکل شوی هدف په ۸ اورونو کې پوره کړ او لوبه یې د ۱۰ ويکټو په توپير وګټله.
يادې سيالۍ د باباجي ولسوالۍ د ځوانانو ترمنځ د اتفاق په موخه ترسره شوې، چې يوه مياشت يې دوام وکړ.
