زابل؛ ارغنداب ولسوالۍ کې د اتو لوبډلو ترمنځ د واليبال سيالۍ پای ته ورسېدې
د زابل ولایت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په ارغنداب ولسوالۍ کې د اتو لوبډلو ترمنځ د واليبال سيالۍ د محمد خيلو لوبډلې په اتلولۍ پای ته ورسېدې.
د دغو سياليو په پايلوبه کې د محمد خيلو لوبډلې خپلې سيالې ګومبد لوبډلې ته د ۳/۱ ميدانونو په توپير سره ماتې ورکړه او اتلولي يې وګټله.
د يادو سياليو موخه ورزش ته د ځوانانو هڅول و، چې ۱۰ ورځې یې دوام وکړ.
