کونړ؛ په سرکاڼو ولسوالۍ کې د ۱۹ لوبډلو ترمنځ د والیبال سیالۍ پيل شوې
د کونړ ولایت د بدني روزنې او ورزش آمریت اړوند واليبال فدراسيون د استازولۍ له لوري د سرکاڼو ولسوالۍ اړوند په بحر اباد سيمه کې د ۱۹ لوبډلو ترمنځ د اتحاد په نوم د واليبال سيالۍ پيل شوې.
د دغو سیالیو د پيل لوبه کې عمران لوبډلې خپلې سيالې شامکار لوبډلې ته د ۲-۱ میدانونو په توپير ماتې ورکړه او بريا يې خپله کړه.
هېره دې نه وي، چې يادې سيالۍ ورزش ته د ودې په موخه ترسره کېږي او لس ورځې به دوام وکړي.
