خوست؛ مرکز متون ښار کې د شپږو لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت مرکز متون ښار په درګوټیو کلي کې د شپږو لوبډلو ترمنځ د ټېپ بال کرېکټ سیالۍ د صدف متونوال لوبډلې په اتلولي پای ته ورسېدې.
د یادو سیالیو پایلوبه د صدف متونوال او نادر زوی لوبډلو ترمنځ ترسره شوه. د لوبې پچه صدف متونوال لوبډلې وګټله او لومړی یې توپوهنه وکړه، چې په ټاکلو نهو اورونو کې یې د درېیوو ویکټو په زیان خپلې سیالې لوبډلې ته د ١٣١ منډو هدف وټاکه. نادر زوی لوبډلې د هدف په تعقیب کې د شپږو ویکټو په زیان ١٠٨ منډې وکړې او د ٢٢ منډو په توپیر یې لوبه وبایلله.
دا سیالۍ د د سیمې د ځوانانو لپاره د سالمې تفرېح برابرولو په موخه ترسره شوې، چې شل ورځې یې دوام وکړ.
