ننګرهار؛ په ګوشتې ولسوالۍ کې د ۸ لوبډلو ترمنځ د واليبال شپنۍ سيالۍ پيل شوې
د ننګرهار ولایت د بدني روزنې او ورزش ریاست اړوند د والیبال فدراسیون د استازولۍ له لوري د ياد ولايت په ګوشتې ولسوالۍ کې د ۸ لوبډلو ترمنځ د واليبال شپنۍ سيالۍ د غياث لوبډلې په بريا سره پيل شوې.
د دغو سياليو په لومړۍ لوبه کې غياث الف لوبډلې خپلې سیالې خيربندۍ اتلانو لوبډلې ته د ۲/۰ ميدانونو په توپير ماتې ورکړه او لومړۍ بريا يې ترلاسه کړه.
د يادو سياليو موخه د غوره ورزشکارانو موندل دي، چې ۱۰ ورځې به دوام وکړي.
